Toshkentda hujjatsiz qurilishlar keskin to‘xtatildi

1 daqiqa o'qish515
Toshkentda hujjatsiz qurilishlar keskin to‘xtatildi

Toshkent shahrida qurilish hujjatlari to‘liq bo‘lmagan 59 ta obyektning faoliyati to‘xtatildi. So‘nggi oylarda ayrim quruvchilar tomonidan amaldagi me’yorlar va qonunchilik talablariga zid ravishda qurilish olib borilishi holatlari ko‘plab aniqlanmoqda.

Shahar hokimligi matbuot xizmati ma’lum qilishicha, ayrim kompaniyalar zarur ruxsatnomalarsiz, ekspertiza xulosalarini olmasdan, texnik va loyiha hujjatlarisiz qurilish boshlagan. Bundan tashqari, ular fuqarolarga hali qonuniy maqomga ega bo‘lmagan obyektlardan xonadonlar sotishni ham boshlagan.

Hokimlik bu kabi holatlar natijasida bir qator yurtdoshlarimiz firibgar qurilish tashkilotlariga ishonib, jamg‘armasini yo‘qotganini va uy-joysiz qolganini ta’kidladi. Shu boisdan, hujjatlari to‘liq bo‘lmagan 59 ta obyekt qurilishi to‘xtatilib, ular elektr tarmoqlaridan uzib qo‘yilgan.

Tumanlar bo‘yicha bu obyektlar quyidagicha taqsimlangan:

. Olmazor – 5 ta

. Chilonzor – 5 ta

. Mirobod – 8 ta

. Mirzo Ulug‘bek – 7 ta

. Sergeli – 3 ta

. Uchtepa – 2 ta

. Yakkasaroy – 2 ta

. Yangihayot – 17 ta

. Yashnobod – 3 ta

. Yunusobod – 4 ta

. Bektemir – 3 ta

Ayni vaqtda bu obyektlarda tekshiruv va monitoring ishlari davom ettirilmoqda. Hokimlik tomonidan har bir qonunbuzarlik holati yuzasidan qonuniy choralar ko‘rilishi bildirildi. Shu bilan birga, fuqarolarni ehtiyotkorlikka chaqirib, uy-joy xarid qilishda quyidagilarga e’tibor qaratish so‘ralmoqda:

. Sotib olinayotgan ko‘chmas mulkka oid hujjatlarning asl nusxalarini — kadastr, ekspertiza, texnik dalolatnoma va kengash qarorlarini — talab qilish va tekshirish.

. Pul mablag‘larini naqd yoki norasmiy yo‘llar bilan emas, qonuniy tartibda to‘lash.

. Quruvchi kompaniya hujjatlarni ko‘rsatishga shoshilmasa, Toshkent shahar hokimligining rasmiy botiga murojaat qilish.

Hokimlik, shuningdek, qurilishda aniqlanayotgan har qanday qonunbuzarlik va fuqarolar manfaatlariga zarar yetkazuvchi harakatlarga nisbatan qat’iy choralar ko‘rilishini va murosasizlik siyosati yuritilishini ta’kidladi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?