O‘zbekistonda havo harorati +39° darajagacha ko‘tariladi

25-avgust, dushanba kuni O‘zbekistonda havo harorati yana ko‘tarilib, +34°…+39° darajagacha yetishi kutilmoqda, deb xabar berdi “Uzgidromet”.

Ayrim hududlarda shamol kuchayib, soniyasiga 13–18 metrgacha esishi mumkin. Bu ko‘rsatkich Bofort shkalasi bo‘yicha 6–8 ballga to‘g‘ri keladi.

Poytaxtda havo harorati +36°…+38° daraja bo‘lishi kutilmoqda. Shamol o‘rtacha kuch bilan, soniyasiga 8 metrgacha esishi mumkin. Tog‘li hududlarda esa harorat +25°…+30° darajani tashkil etadi. Kunning davomida yog‘ingarchilik bo‘lishi kutilmaydi.

Manba: Kursiv.media