Chigirtkalar Qirg‘izistonning O‘zbekiston bilan chegaradosh viloyatlarini kemirmoqda

Qirg‘izistonda yana chigirtka avj oldi. Erta bahor, qurg‘oqchilik va may oyidagi issiqlik hasharotlar uchun ideal sharoit yaratdi, deya xabar beradi mamlakat Qishloq xo‘jaligi vazirligiga tayanib Kursiv media sayti.

O‘zbekiston bilan chegaradosh hududlar eng ko‘p zarar ko‘rdi:

Jalolobod viloyati - qariyb 33 ming gektar;

O‘sh viloyati - 21,4 ming gektar;

Botken viloyati - 24 ming gektar, shundan 3 mingdan ortig‘iga havodan ishlov berilgan.

Hammasi bo‘lib, fermerlar 154 ming gektardan ortiq maydonni tekshirib chiqdilar. 108 ming gektar maydonda chigirtkalar aniqlangan va bu yerlarga maxsus texnika va yengil aviatsiya yordamida kimyoviy moddalar bilan ishlov berilgan.