O‘zbekistonda insonlarni ularning roziligisiz foto va video tasvirga olish taqiqlanishi mumkin, deb Kursiv.media xabar berdi.
8-sentabr kuni Qonunchilik palatasidagi partiya fraksiyalari mazkur qonun loyihasini muhokama qildi.
Loyihaga ko‘ra, inson tasviri faqat uning roziligi bilan ishlatilishi mumkin.
Agar shaxs huquqiy layoqatga ega bo‘lmasa, uning vakili rozilik beradi.
16 yoshgacha bo‘lgan bolalar uchun rozilikni ota-onalar yoki vasiylar beradi,
16 yosh va undan katta bo‘lsa, qarorni o‘smirning o‘zi qabul qiladi.
Qonun loyihasi, shuningdek, binolar va inshootlarda videokuzatuv olib borilayotgani haqida ogohlantiruvchi belgilarni o‘rnatishni majburiy qiladi.
Shuningdek, roziliksiz suratga olish mumkin bo‘lgan holatlar ro‘yxati ham aniqlashtiriladi.
Fraksiyalar muhokamasidan so‘ng loyiha birinchi o‘qishga qo‘yiladi, so‘ng Senat va Prezident imzosiga yuboriladi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
