UzPost xususiylashtirish haqidagi xabarlarga munosabat bildirdi

UzPost kompaniyasi xususiylashtirish bo‘yicha tarqalgan xabarlar fonida rasmiy bayonot berdi, deb Kursiv.media xabar qildi. Bayonotda kompaniya infratuzilma va logistika sohasida investitsiya jalb qilishdan manfaatdor ekani qayd etildi.

Kompaniyaga ko‘ra, investitsiyalar xizmat sifatini yaxshilash, raqobatbardoshlikni oshirish va barqarorlikni mustahkamlashga yordam beradi. Shuningdek, aholiga ko‘rsatilayotgan xizmatlardan foydalanish imkoni kengayadi.

UzPost aksiyadorlari sifatida Hukumatga qarashli tashkilotlar — Iqtisodiy taraqqiyot vazirligi, Davlat aktivlarini boshqarish agentligi (DABA) va boshqalar faoliyat yuritmoqda. Investorlar jalb etilishi amaldagi qonunchilikka muvofiq amalga oshirilishi ta’kidlandi.