Time Out 2026 yil uchun dunyoning eng go'zal maskanlari ro'yxatiga Samarqanddagi Registon maydonini kiritdi. Nashr mashhur maydonning betakror me'moriy ansamblini alohida e'tirof etib, XV-XVII asrlarda bunyod etilgan madrasalar, nafis bezatilgan gumbazlar va tarixiy majmuaning hayratlanarli uyg'unligini ta'kidladi.
Yangi reytingga dunyoning turli burchaklaridan 51 ta yo'nalish kiritilgan. Time Out'ga ko'ra, ro'yxat ekspertlar va sayohat mualliflarining fikrlari hamda safar tajribasi asosida tuzilgan. Unda tabiiy manzaralar, qadimiy shaharlar va diqqatga sazovor me'moriy obidalarni o'z ichiga olgan turli maskanlar jamlangan.
2026 yilgi reytingning ilk uch o'rnini Ispaniyadagi Picos de Europa tog'lari, Indoneziyadagi Komodo milliy bog'i va Nyu-Yorkdagi Morgan Library and Museum egalladi. Yangilangan ro'yxatga ilk bor bir nechta maskanlar ham qo'shildi, jumladan Italiyadagi Bolonya tarixiy markazi va Sardiniyadagi Capo Testa yarimoroli.
Registon maydoni O'zbekistonning eng mashhur madaniy ramzlaridan biri va Samarqandga keluvchilar uchun asosiy diqqatga sazovor joylardan biri bo'lib qolmoqda. Uning xalqaro reytingga kiritilgani mamlakatning tarixiy merosi va me'moriy durdonalariga global qiziqish ortib borayotganining yana bir belgisidir.
“Zamin”ni Telegramʻda oʻqing!
