Oʻzbekistonda 192 nafar shaxs haydovchilik guvohnomasisiz mashina boshqargani aniqlandi
O‘zbekistonda yo‘l harakati xavfsizligini nazorat qilish tizimlari orqali 192 nafar shaxs haydovchilik guvohnomasisiz yoki haydash huquqidan mahrum bo‘lgan holda transport boshqargani aniqlandi. Eng ko‘p qoidabuzarlik holatlari Xorazm viloyati va Toshkent shahrida qayd etilib, aybdorlarga nisbatan bazaviy hisoblash miqdorining 5 baravaridan 50 baravarigacha jarimalar qo‘llanildi. Mutaxassislar bunday holatlar yo‘l harakati xavfsizligiga jiddiy xavf tug‘dirishini ta’kidlab, barcha haydovchilarni qonun talablariga qat’iy rioya qilishga chaqirmoqda.
Yoʻl harakati xavfsizligini nazorat qilish tizimlari orqali yana bir jiddiy muammo aniqlandi.
Kuzatuv kameralari orqali oʻtkazilgan tahlillar natijasida 192 nafar shaxs haydovchilik guvohnomasisiz yoki haydash huquqidan mahrum etilgan holda transport boshqargani maʼlum boʻldi.
Eng koʻp qoidabuzarlik holatlari Xorazm viloyatida — 60 ta, Toshkent shahrida esa 40 ta holat qayd etilgan.
Mutaxassislar bu holat ayrim hududlarda yoʻl harakati madaniyati va nazorat darajasi yetarli emasligini koʻrsatayotganini taʼkidlamoqda.
Qoidabuzarlarga nisbatan qonuniy choralar koʻrilgan. Jumladan, 32 ta holatda 50 barobar bazaviy hisoblash miqdorida, yana 31 ta holatda esa 5 barobar BHM miqdorida jarimalar qoʻllanilgan.
Mutaxassislar bunday holatlar yoʻl harakati xavfsizligiga jiddiy xavf tugʻdirishini taʼkidlab, barcha haydovchilarni qonun talablariga qatʼiy amal qilishga chaqirmoqda.
Izohlar 0
…