Boks. Abdumalik Halokov Qozogʻiston vakilini magʻlub etib, Osiyo chempioniga aylandi (video)

^{Foto: ASBC}
Iordaniyaning Amman shahrida boks boʻyicha Osiyo chempionatining final bahslari 12 noyabr, shanba kuni boʻlib oʻtmoqda.

-57 kg vazn toifasida Oʻzbekiston sharafini himoya qilgan Abdumalik Halokov finalda Qozogʻiston vakili Serik Temirjanovga qarshi ringga koʻtarildi.

Birinchi raund 3:2 hisobida qozogʻistonlik bokschining hisobiga yozildi. Ikkinchi raundda Halokov toʻliq ustunlikka ega boʻldi. Uchinchi raundni ham oʻzbekistonlik bokschi oʻz foydasiga hal qildi.

Yakunda Abdumalik 4:1 hisobi bilan gʻalabani qoʻlga kiritdi va Oʻzbekiston hisobiga bitta oltin medalni yozdirib qoʻydi.

Avvalroq Hasanboy Doʻstmatov qozogʻistonlik Saken Bibosinovni magʻlub etib, oltin medalga ega chiqqani xabar qilingandi.

Yana besh nafar oʻzbekistonlik bokschi 12 noyabr kuni finalda ishtirok etadi:

-63,5 kg: Ruslan Abdullaev — Shiva Thapa (Hindiston) (16:30 dan soʻng)
-75 kg: Saidjamshid Ja'farov — Nurqanat Rayis (Qozogʻiston) (17:15 dan soʻng)
-80 kg: Odiljon Aslonov — Husseyn Eyshaysh (Iordaniya) (17:30 dan soʻng)
-92 kg: Madiyor Saidrahimov — Aybek Oralbay (Qozogʻiston) (18:00 dan soʻng)
+92 kg: Lazizbek Mullajonov — Kamshibek Kunkabaev (Qozogʻiston) (18:15 dan soʻng) “Zamin” yangiliklarini “Telegram”da kuzatib boring