Qishki transferlar oynasi ochilganidan beri har kuni Eldor Shomurodov nomi bilan bog‘liq xabarlar chiqmoqda.
“Torino” klubi o‘zbek hujumchisini qo‘lga kiritishga jiddiy harakat qilmoqda. Aslida turinliklar yozda ham bu transferni uddalashga urinib ko‘rgandi. Lekin o‘shanda buning imkoni bo‘lmagan.
Hozir vaziyat boshqacha. Chunki bu transferga uch tomon – “Torino”, “Roma” va Eldor Shomurodovning o‘zi ham rozi.
Turinliklarning transferni rasmiylashtirishga dastlabki bir necha urinishlari muvaffaqiyatsiz yakunlandi. Eng dadil taklif – Shomurodovni yarim mavsumga 1 million yevro evaziga ijaraga olib, hujumchining o‘yinlari va ko‘rsatkichlari asosida keyinchalik 12 million yevroga transferni yakunlash variantini “Roma” sport direktori Tyagu Pinto qabul qilmagan edi.
Orada “Torino” prezidenti Urbano Kairo Rim klubi mutasaddilarining o‘yinchi uchun birdaniga transfer qilish yoki shu majburiyatni olish bo‘yicha talablarini qabul qilmasligini bildirdi.
Biroq, shunga qaramay, “Torino” klubi Shomurodovni olish fikridan qaytgani yo‘q va ular oxirigacha kurashishda davom etadi. Bu haqda taniqli insayder Nikolo Skira ma’lumot berib, “Torino” Eldor Shomurodov (“Roma”) va Ivan Ilich (“Verona”) bilan shartnoma tuzish bo‘yicha jadal muzokara olib borayotganini bildirgan. Manba har ikki futbolchi Turin klubi bilan shaxsiy shartnoma shartlarini kelishib bo‘lganini ta’kidlagan.
Manbalarning ma’lum qilishicha, hujum chizig‘ini kuchaytirishga ehtiyoj sezayotgan “Torino” uchun Shomurodovni yanvar oyi ichida qo‘lga kiritish o‘ta muhim ahamiyat kasb etadi. Shu bois, ular muzokaralarni har qanday sharoitda ham davom ettirishga urinmoqda.
“Torino” mavsum yakunlanishi bilan o‘z safiga yana hujumchi oladi. Turinliklar nishoniga “Spetsiya”da porlay boshlagan fransiyalik Mbala Nzola tushgan. 26 yoshli bu o‘yinchini yanvarda olishning imkoni yo‘q. “Spetsiya” mavsum davomida sakkizta gol urgan asosiy to‘purarini chempionatning qizg‘in pallasida qo‘yib yubormaydi.
Shuning uchun ham Turin klubi sport direktori Davide Vagnatti uchun ideal variant Shomurodov bo‘lib qolmoqda.
Yevropaning aksariyat chempionatlarida qishki transferlar oynasi yopilishiga ikki hafta vaqt bor. “Roma” bu muddat ichida chiqish transferlarini rasmiylashtirishiga to‘g‘ri keladi. Tyagu Pinto Shomurodovni ushlab qolish orqali klubga foyda keltirmaydi.
Bu mutaxassis hamyurtimizdan tashqari niderlandiyalik ikki futbolchi – himoyachi Rik Karsdorp va hujumchi Jastin Klyuyvertdan ham imkon qadar tezroq qutilishi kerak. Buni uddalay olmasa, bosh murabbiy Joze Mourino o‘zi istagan boshqa ijrochilarni olib kelishi uchun joy ochilmay qoladi.
Buni inobatga olgan "Torino" mutasaddilari rimliklarni Shomurodovni qo‘yib yuborishga ko‘ndirmagunicha harakat qilishdan to‘xtamaydigan ko‘rinadi.
Demak, qishki transferlar oynasining eng qizg‘in pallasi endi boshlandi. Kuzatishda davom etamiz... “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Ayrim boshqaruv servis kompaniyalari shartnomalarida asossiz shartlar belgilangani aniqlandi
Shols va Putin o‘rtasidagi suhbat Kiyevga signal bo‘ldi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Omega-3 qanday qilib ozishga yordam beradi?
