Manchester City himoyachisi Husanov yaxshi baho oldi

Angliya Premyer-ligasi doirasida Manchester City safarda Tottenham Hotspur ustidan 1:0 hisobida g‘alaba qozondi. O‘yindagi yagona golni Erling Holand 12-daqiqada kiritdi. Ushbu natija "shaharliklar"ga turnir jadvalida muhim ochkolarni qo‘lga kiritishga yordam berdi.

Manchester City himoyachisi Abduqodir Husanov Angliya Premyer-ligasining Tottenham Hotspurga qarshi uchrashuvida 7.1 ball bilan baholandi. 20 yoshli futbolchi himoya chizig‘ida ishonchli o‘yin namoyish etdi va jamoasining minimal g‘alabasiga o‘z hissasini qo‘shdi.