Jaloliddin Masharipov: "Nechta gol urishimizning farqi yo‘q, muhimi uch ochkoni qo‘lga kiritish edi"

1 daqiqa o'qish5.6K
Jaloliddin Masharipov: "Nechta gol urishimizning farqi yo‘q, muhimi uch ochkoni qo‘lga kiritish edi"
Terma jamoamiz yetakchisi Jaloliddin Masharipov bugungi Qirg‘iziston terma jamoasiga qarshi o‘tgan bahsdan so‘ng saytimizga kichik intervyu berdi.

"Oson o‘yin bo‘lmadi. Qirg‘iziston himoyaviy o‘yin namoyish etgani uchun, himoyani yorib o‘tish qiyin bo‘ldi. Masalan, Eronga qarshi o‘ynash osonroq bo‘lar edi. Raqibimiz butun jamoa bo‘lib himoyalandi. Ko‘plab vaziyatlarga ega bo‘ldik, ammo to‘p darvozaga kirmadi" - dedi Jaloliddin Masharipov bugungi bahs haqida.

- Muxlislar bugun ko‘proq gol kutishgan edi. Ko‘proq gol ura olmaganimizga nima sabab bo‘ldi?
- O‘yindan oldin yigitlar bilan qanday o‘yin bo‘lishidan qat’i nazar, g‘alaba qozonishimiz va uch ochkoni qo‘lga kiritishimiz kerakligi haqida gaplashdik. Hisob 1:0 bo‘lsa ham, g‘alaba qozonishimiz kerak edi. To‘g‘ri, muxlislar ko‘proq gol ko‘rishni istashadi, biroq muhimi g‘alaba qozonish edi. Nechta gol urishimizning farqi yo‘q, muhimi uch ochkoni qo‘lga kiritish edi.

- Sariq kartochka ishlab olgan vaziyatingiz haqida gapirib o‘tsangiz...
- Yiqilayotgan chog‘imda shu ishni bekor qildim, degan xayol keldi. Balki, bu ham yaxshilikkadir.

- Bo‘lajak raqibimiz Eron haqida gapirib o‘tsangiz...
- Biz Eron bilan tengma-teng o‘ynay olamiz. So‘nggi uch-to‘rt yil davomida buni isbotlab kelyapmiz. Avvalroq aytib o‘tganimdek, Eronga qarshi o‘ynash osonroq, sababi ular ham ko‘proq hujum qilishadi. Qirg‘iziston esa faqatgina himoyalandi. Eronga qarshi juda yaxshi uchrashuv bo‘ladi, deb taxmin qilmoqdaman.

- Eron bugun BAAga qarshi o‘yin o‘tkazdi. O‘yin davomida chiroq o‘chib qolgani sababli bahs ancha muddatga to‘xtatildi. Eron chempionatida ham bunday holatlar uchrab turadimi?

- Yo‘q. Bunday holat ro‘y bergani haqida birinchi marotaba eshityapman. Eron chempionatida bunday holatlar hozirgi kungacha ro‘y bermadi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?