Klublar o‘rtasidagi jahon chempionati qizg‘in pallaga kirdi. 1/8 final bosqichidan o‘rin olgan navbatdagi o‘yinda Germaniyaning “Bavariya” klubi Braziliya grandi “Flamengo”ga qarshi maydonga tushdi.
30 iyun kuni Mayamidegi “Hard Rock Stadium”da 65 mingdan ortiq muxlis guvohlik qilgan bahsda tomonlar tom ma’noda gollar shousini namoyish etishdi. Hisob — 4:2, “Bavariya” foydasiga. Bu natija bilan nemis grandi musobaqaning chorak finaliga yo‘l oldi.
Bavariyaliklar bahsni yuqori tempda boshlab, ilk 10 daqiqa ichida raqib darvozasiga ikki marta yo‘l topdi. 6-daqiqada Erik Pulgar to‘pni darvozaga jo‘natdi, ortidan 9-daqiqada Harri Keyn o‘z so‘zini aytdi.
33-daqiqada “Flamengo” safida Jerson hisobni qisqartirdi. Ammo 41-daqiqada Leon Goretskaning zarbasi yana ikki tublik ustunlikni tikladi. Ikkinchi bo‘limda ham jamoalar shiddatni pasaytirishmadi. 55-daqiqada Jorjino braziyaliklarga navbatdagi golni taqdim etdi. Ammo 73-daqiqada Harri Keyn dubl qayd etib, barchasiga nuqta qo‘ydi.
Endi Tomas Tuxel shogirdlari chorak finalda yana bir juda kuchli raqib — PSJga qarshi bahs olib boradi. Ushbu jamoa bilan to‘qnashuv 5 iyul kuni soat 21:00da start oladi.
Fikrlardan kelib chiqar ekanmiz, “Bavariya” bu musobaqada g‘oliblikka jiddiy da’vogarlardan biri sifatida qaralayotganini yana bir bor isbotladi. Ularning navbatdagi imtihoni esa yanada jiddiy — Yevropa va jahon futbolining yulduzlariga to‘la PSJ. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
