Eddi Hau Angliya Premer-ligasining 27-turi doirasida "Manchester Siti"ga qarshi o‘yin arafasida o‘z fikrlarini bildirib o‘tdi. “Nyukasl” ustozi bu to‘qnashuvlarni oddiy bir o‘yin emas, balki jamoa uchun katta saboq, tajriba va tahlil imkoniyati sifatida ko‘rishi bilan e’tibor tortdi.
Uning aytishicha, “Siti” bilan har safar maydonga tushganda, mayda detallardan tortib katta manzaragacha ko‘p narsani o‘rganish mumkin. Hau bu bahslar jamoaga xatolarni ko‘rish, xulosa chiqarish va keyingi o‘yinlarga yanada tayyor holda chiqishda yordam berishini ta’kidlagan.
Shu bilan birga, u "Manchester Siti"ni so‘nggi mavsumlarda APLda “o‘ziga xos etalon” sifatida baholadi. Hau fikricha, jamoa Pep Gvardiola qo‘l ostida juda yuqori saviyadagi futbol namoyish etyapti: tizim bor, uslub bor, eng muhimi — barqarorlik bor. Bunday raqibga qarshi o‘yin esa har doim qattiq intizom, maksimal konsentratsiya va ruhiy tayyorgarlik talab qiladi.
Eslatib o‘tamiz, "Manchester Siti" — "Nyukasl Yunayted" bahsi 22 fevral kuni Toshkent vaqti bilan soat 01:00 da start oladi. Muxlislar uchun esa ssenariy aniq: bir tomonda chempionlik tempi, bir tomonda xarakter — va maydonda “kim ko‘proq tayyor” degan savolga javob.
“Zamin”ni Telegramʻda oʻqing!
