«Real Madrid» hujumchisi Vinisius Junior Ispaniya chempionatining 30-turi doirasida «Mallorka»ga qarshi kechgan bahsda yana diqqat markazida bo'ldi. Braziliyalik yulduz o'yinning 59-daqiqasida zaxiradan maydonga tushganidan so'ng, mezbon muxlislar tomonidan keskin bosimga uchradi. Bu haqda Goal.com xabar beradi.
Uchrashuv davomida Vinisius va «Mallorka» himoyachisi Pablo Mafio o'rtasidagi eski adovat yana jonlandi. Futbolchilar o'zaro og'zaki va jismoniy to'qnashuvlarga kirishdi.
Mafio raqibini provokatsiya qilish maqsadida unga «plyaj futboli» haqida ishora qilib, braziliyalikning mahoratini kamsitishga urindi.
Ispaniya stadionlarida muxlislar Vinisiusga nisbatan «plyaj koptogi» iborasini ishlatib, uning «Oltin to'p»ni «Man Siti» yarim himoyachisi Rodriga boy berganini eslatib kelishmoqda. Bu kabi hayqiriqlar futbolchi uchun ruhiy bosim o'tkazishning bir usuliga aylangan.
Mafio va Vinisius o'rtasidagi nizo 2022-23 yilgi mavsumdan buyon davom etib kelmoqda. Avvalroq Mafio braziliyalik futbolchini ko'p shikoyat qilishi uchun «yig'loqi» deb atagan edi.
Himoyachi hatto Vinisius bilan ehtimoliy boks tushsa, uni 10 soniya ichida mag'lub etishini ta'kidlagan.
“Zamin”ni Telegramʻda oʻqing!
