"Real Madrid" klubi afsonasi Toni Kroos faoliyatini yakunlaganidan ikki yil o'tib, professional futbolga qaytishi haqidagi mish-mishlarni qat'iyan rad etdi. 36 yoshli sobiq yarim himoyachi bu haqda 2026 yilgi Laureus World Sports Awards taqdirlash marosimida ma'lum qildi. Bu haqda Goal.com xabar beradi.
Madrid klubidagi hozirgi muhit va turli taxminlarga qaramay, germaniyalik yulduz o'z qarorini o'zgartirish niyati yo'qligini ta'kidladi. Uning so'zlariga ko'ra, katta futboldan ketish haqidagi to'xtam yakuniy hisoblanadi.
Kroos o'zining yuksak darajadagi o'yinlari bilan tanilgan va "Qirollik klubi" tarkibida ko'plab sovrinlarni qo'lga kiritgan. Uning maydonga qaytishi haqidagi xabarlar muxlislar orasida katta qiziqish uyg'otgan edi.
Eslatib o'tamiz, Toni Kroos faoliyati davomida nafaqat klub darajasida, balki Germaniya terma jamoasi bilan ham jahon chempionligini qo'lga kiritib, zamonamizning eng kuchli pleymeykerlaridan biri sifatida e'tirof etilgan.
“Zamin”ni Telegramʻda oʻqing!
