Senegal Iroqni yirik hisobda yengib, pley-off umidini saqlab qoldi

27 iyun 2026, 10:07·148·Sport

QisqachaAI yordamida tayyorlanganKo‘rsatish

Senegal milliy jamoasi 2026 yilgi jahon chempionati guruh bosqichining 3-turida Iroq ustidan 5:0 hisobida yirik g‘alaba qozonib, pley-offga chiqish imkoniyatini saqlab qoldi.
O‘yinning 4-daqiqasidayoq Diarra hisobni ochgan bo‘lsa, 13-daqiqada iroqlik himoyachi Sulaka qizil kartochka olib maydonni tark etdi.
Ikkinchi bo‘limda Sarr, dubl qayd etgan Pap Guye hamda Ndiaye raqib darvozasiga javobsiz to‘plarni kiritishdi.

2026 yilgi jahon chempionatida guruh bosqichining 3-tur uchrashuvlari davom etmoqda. «I» guruhida Senegal milliy jamoasi Iroqni 5:0 hisobida mag‘lub etib, keyingi bosqichga chiqish imkoniyatini saqlab qoldi.

Senegal o‘yinni juda faol boshladi va 4-daqiqada Diarra hisobni ochdi. 13-daqiqada Iroq himoyachisi Sulaka qizil kartochka olib, jamoasini bir kishi kam qoldirdi.

Son jihatdan ustunlikka ega bo‘lgan Senegal ikkinchi bo‘limda raqib darvozasiga yana to‘rt bor yo‘l topdi. 56-daqiqada Sarr farqni oshirdi. Oradan uch daqiqa o‘tib Pap Guye hisobni 3:0 ko‘rinishiga keltirdi.

71-daqiqada Pap Guye dubl qayd etdi. Uchrashuvga nuqtani 82-daqiqada Ndiaye qo‘ydi — 5:0.

JCH-2026. «I» guruhi, 3-tur

Senegal — Iroq — 5:0

Gollar: Diarra, 4; Sarr, 56; P. Guye, 59, 71; Ndiaye, 82.

Senegal: Diav, Diatta, Sek (Siss, 58), Niakate, Yakobs, I. Guye, Diarra (P. Guye, 57), Mbaye (Ndiaye, 57), Kamara (Jekson, 57), Mane, Sarr (Diao, 81).

Iroq: Basil (Hasan, 46), Putros, Hoshim, Sulaka, Doski, Al Ammari, Jassim (Ar Reshavi, 58), Bayish, Iqbol (Yakob, 67), Qosim (Yunus, 16), Al Hammadi (Yusuf, 58).

Ogohlantirishlar: Sek, 18; Al Ammari, 75; P. Guye, 81; Doski, 90.

Chetlatish: Sulaka, 13.

Ushbu g‘alabadan keyin Senegal 3 ochko bilan guruhda uchinchi o‘rinni egalladi. Endi jamoa eng yaxshi uchinchi o‘rin sohiblari qatorida pley-offga chiqish uchun boshqa guruhlardagi natijalarni kutadi.

Iroq esa ochkosiz qolib, turnirdagi ishtirokini yakunladi.