«Nasaf» irodali o‘yinda «Buxoro»ni mag‘lub etdi

Qarshida «Nasaf» va «Buxoro» jamoalari o‘rtasida nazorat uchrashuvi bo‘lib o‘tdi. Qiziqarli kechgan bahsda «ajdarlar» hisobda ortda borayotganiga qaramay, 2:1 hisobida g‘alaba qozondi.

Qarshiliklar safida Zafarmurod Abdirahmatov va Yusuf Otubanjo gol urgan bo‘lsa, «Buxoro»ning yagona to‘pi Asadbek Jo‘raboyev hisobiga yozildi.

«Buxoro» hisobni ochdi

Uchrashuvning 16-daqiqasida Asadbek Jo‘raboyev gol urib, mehmonlarni oldinga olib chiqdi.

Biroq «Nasaf» futbolchilari tez orada javob qaytarishga muvaffaq bo‘ldi. 30-daqiqada Zafarmurod Abdirahmatov hisobni tenglashtirdi.

Otubanjo g‘alaba golini urdi

Ikkinchi bo‘limda har ikki jamoa tarkibda bir qator o‘zgarishlarni amalga oshirdi.

Bahsning 85-daqiqasida zaxiradan maydonga tushgan Yusuf Otubanjo hal qiluvchi golni kiritib, «Nasaf»ga g‘alaba keltirdi.

Uchrashuv natijasi

Nazorat o‘yini

«Nasaf» — «Buxoro» — 2:1

Gollar: Abdirahmatov, 30; Otubanjo, 85 — Jo‘raboyev, 16.

«Nasaf»ning asosiy tarkibi

Samandar Muratbayev, Dilshod Murtazayev, G‘olib G‘aybullayev, Quvonchbek Xushvaqtov, Zafarmurod Abdirahmatov, Sharof Muhitdinov, Oybek Rustamov, Murodbek Rahmatov, Diyorbek Abdunazarov, Yashnarbek Berdirahmonov va Bobir Abdixoliqov.

Zaxiradan maydonga tushganlar

• Bekjon Rahmatov;

• Yusuf Otubanjo;

• Akramjon Komilov;

• Zafar Sa’dullayev;

• Bahodir Xalilov.

Shu tariqa, «Nasaf» yangi mavsumga tayyorgarlik jarayonidagi nazorat bahsida irodali g‘alabani qo‘lga kiritdi.