JCH-2026. AQSH Bosniya va Hersegovinani mag‘lub etib, 1/8 finalga chiqdi

10:25 / 02.07.2026·115·Sport

JCH-2026 1/16 final bosqichida navbatdagi uchrashuv AQSH hamda Bosniya va Hersegovina terma jamoalari o‘rtasida bo‘lib o‘tdi.

Santa Klarada kechgan bahsda turnir mezbonlaridan biri bo‘lgan AQSH 2:0 hisobida ishonchli g‘alaba qozonib, keyingi bosqichga yo‘l oldi.

Balogun birinchi bo‘limda hisobni ochdi

Uchrashuvning dastlabki qismida har ikki jamoa ehtiyotkor harakat qildi.

Birinchi bo‘lim yakuniga yaqin, 45-daqiqada Folarin Balogun raqib darvozasini ishg‘ol qilib, AQSHni oldinga olib chiqdi.

Shu tariqa, mezbonlar tanaffusga minimal ustunlik bilan yo‘l oldi.

AQSH 10 kishi bo‘lib qoldi

Ikkinchi bo‘limning 64-daqiqasida Balogun maydondan chetlatildi.

Shundan so‘ng AQSH uchrashuvning qolgan qismini bir kishi kam bo‘lib o‘tkazishiga to‘g‘ri keldi. Biroq amerikaliklar himoyada ishonchli harakat qilib, raqibga hisobni tenglashtirish imkonini bermadi.

Tillman g‘alabaga nuqta qo‘ydi

82-daqiqada Malik Tillman ikkinchi golni kiritib, uchrashuv taqdirini amalda hal qildi.

Bosniya va Hersegovina qolgan daqiqalarda vaziyatni o‘zgartirishga harakat qildi, ammo AQSH darvozasi daxlsiz qoldi.

Keyingi raqib — Belgiya

AQSH keyingi bosqichda Belgiya milliy jamoasiga qarshi maydonga tushadi.

Belgiya avvalgi uchrashuvda Senegalni superkambek evaziga mag‘lub etib, nimchorak final yo‘llanmasini qo‘lga kiritgan edi.

Uchrashuv tafsilotlari

JCH-2026. 1/16 final

AQSH — Bosniya va Hersegovina — 2:0

2 iyul, Santa Klara.

Gollar: Balogun, 45; Tillman, 82.

Ogohlantirish: Radelich, 80.

Chetlatish: Balogun, 64.

Jamoalar tarkibi

AQSH: Friz, Frimen, Richards, Rim, Entoni Robinson, Dest (Berhalter, 88), Makkenni (Reyna, 90+5), Adams, Tillman, Balogun, Pulishich (Pepi, 88).

Bosniya va Hersegovina: Vasil, Kolashinas (Memich, 75), Katich (Tabakovich, 75), Radelich, Muharemovich, Gigovich, Shunich (Tahirovich, 51), Demirovich, Alaybegovich, Bayraktarevich (Gigovich, 51), Jeko (Mahmich, 51).