Rossiya VPN orqali davlat xizmatlaridan foydalanishni chekladi
Rossiya Raqamli rivojlanish vazirligi davlat xizmatlaridan VPN orqali foydalanishni cheklash sabablari haqida ma'lumot berdi. Mamlakatda ko'plab mahalliy xizmatlar foydalanuvchilar xavfsizligini ta'minlash maqsadida bunday cheklovlarni joriy etgan. Hozirda hukumat VPN'dan foydalanishni kamaytirish uchun turli choralar ko'rmoqda, jumladan, IT-kompaniyalarni ushbu xizmatlarga kirishni yopishga undash uchun imtiyozlardan mahrum qilish masalalari muhokama qilinmoqda.
Rossiya Raqamli rivojlanish vazirligi mamlakatdagi onlayn xizmatlar va davlat platformalari nima sababdan VPN yoqilgan holatda ishlamayotganiga izoh berdi. Vazirlik ma'lumotlariga ko'ra, aksariyat mahalliy servislar foydalanuvchilar xavfsizligini ta'minlash maqsadida bunday cheklovlarni joriy etgan. Bu haqda Ixbt.com xabar beradi.
Ayniqsa, fuqarolarning shaxsiy ma'lumotlari qayta ishlanadigan davlat platformalarida xavfsizlik talablari yuqori hisoblanadi. Mutaxassislarning ta'kidlashicha, ko'plab VPN xizmatlari konfidentsiallikni kafolatlamaydi va ulardan kiberjinoyatchilar trafikni qo'lga kiritish uchun foydalanishi mumkin.
Hozirda Rossiya hukumati fuqarolar orasida VPN'dan foydalanish darajasini pasaytirish choralarini ko'rmoqda. IT-kompaniyalarni ushbu xizmatlarga kirishni yopishga undash uchun turli imtiyozlardan mahrum qilish, jumladan, soliq imtiyozlari beruvchi akkreditatsiyani bekor qilish masalalari muhokama qilinmoqda.
Izohlar 0
…