Xitoyda 20-26 aprel kunlari oralig'ida yangi smartfonlar savdosi bo'yicha dastlabki ma'lumotlar e'lon qilindi. Digital Chat Station insayderining xabar berishicha, birinchi kundagi faollashtirishlar soni bo'yicha "Huawei Pura X Max" modeli yetakchiga aylangan. Bu haqda Ixbt.com xabar beradi.
Ushbu ko'rsatkich kolleksiya nashrini qo'shib hisoblaganda 97 mingdan ortiq qurilmani tashkil etdi.
Ikkinchi o'rinni 82 mingdan ziyod faollashtirish natijasi bilan "Redmi K90 Max" egalladi. "Oppo Find X9 Ultra" flagmanining sun'iy yo'ldoshli versiyasi bilan birgalikdagi ko'rsatkichi 45 ming atrofida bo'ldi.
"Oppo Find X9s Pro" modeli esa qariyb 37 ming marta faollashtirilgan.
Buklanuvchi "Huawei Pura X Max" smartfonining yetakchiga aylanishi foydalanuvchilar qiziqishi yangi form-faktor tomonga o'zgarayotganini ko'rsatadi. Kompaniya tomonidan o'zgartirilgan keng format ko'pchilikka ma'qul kelgan.
Avvalroq ushbu buklanuvchi smartfon savdosi kompaniyaning birinchi avlod qurilmasiga nisbatan 215 foizga oshgani xabar qilingan edi. Pekin-2026 avtosalonida "Huawei" rahbariyati ushbu model buklanuvchi smartfonlar orasida haqiqiy bestsellerga aylanganini va sotuvga chiqishi bilan to'liq xarid qilinganini ma'lum qildi.
“Zamin”ni Telegramʻda oʻqing!
