Huawei Pura X Max sotuvi o'tgan modeldan 215 foizga oshdi

"Huawei Pura X Max" buklanadigan smartfoni kuchli tijoriy muvaffaqiyatni namoyish etmoqda. Uning savdosi kompaniyaning birinchi avlod buklanadigan qurilmasi ko'rsatkichlaridan 215 foizga oshdi. Bu haqda Ixbt.com xabar beradi.

Pekin 2026 avtosalonida "Huawei" rahbariyati "Pura X Max" buklanadigan smartfonlar orasida haqiqiy xitga aylanganini ma'lum qildi. Model rekord sur'atlarda sotilgani va sotuv boshlanishidayoq to'liq tugagani ta'kidlandi.

Bu yangi shakl va premium segmentga bo'lgan qiziqishni ko'rsatadi.

"Huawei Pura X Max" 7,69 dyuymli egiluvchan WQHD+ OLED-displey va 5,4 dyuymli tashqi ekran bilan jihozlangan. Qurilma "Kirin 9030 Pro" tizimida ishlaydi.

Uning korpusi kompozit materiallardan tayyorlangan bo'lib, UTG himoya oynasiga ega.

5300 mA/soat sig'imli akkumulyator 100 Vt simli va 80 Vt simsiz quvvatlanishni qo'llab-quvvatlaydi. Kameralar XMAGE tizimi bilan taqdim etilgan.

Asosiy kamera 50 Mp, shuningdek, qo'shimcha 50 Mp modul va periskopik teleobyektiv mavjud.

Smartfon "HarmonyOS 6.1" tizimida ishlaydi. Eslatib o'tamiz, oldingi avlod modeli 1,5 milliondan ortiq nusxada sotilgan edi.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing