13:09 / 16.09.2015
5 895

2016 yili LG 55 dyuymli o‘raladigan televizorni taqdim etadi

2016 yili LG 55 dyuymli o‘raladigan televizorni taqdim etadi
Janubiy Koreyaning LG kompaniyasi keyingi yil o‘raladigan televizion OLED-panel taqdimotini o‘tkazishini ma’lum qildi. Aytilishicha, taqdimot AQShda o‘tkaziladi.

LG Electronics 55 dyuymli o‘raladigan televizor ustida ishlamoqda, uning debyuti xalqaro iste’mol elektronikasi ko‘rgazmasi (CES) doirasida 2016 yil yanvarida o‘tkaziladi, — dedi LG tadqiqot markzazi vakili The Korea Times nashriga.

Ta’kidlanishicha, ko‘rgazmada faqat prototip namoyish etiladi. Ommaviy ishlab chiqarish esa 3-4 yildan so‘ng yo‘lga qo‘yiladi.

Televizorning noodatiy shakli kompaniyaga OLED-texnologiya asosidagi mahsulotlarning yangi ekotizimini yaratish imkonini beradi. Shu bilan birga, katta ekranlardan kichik ekranli uskunalarga nisbatan ko‘proq foyda ko‘rilishi kutilmoqda.

Yangi televizorning egiluvchan panellarini LG Display, batareyalarini esa LG Chem etkazib beradi.

LG kompaniyasi tasavvuridagi kelajakda, aytilishicha, hatto devorlar ham dislpeylar bilan qoplanadi. OLED-panellar ham qanday shaklga kirishi mumkinligi bois ular bunday reallikni amalga oshirishda muhim o‘rin tutishi mumkin.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » 2016 yili LG 55 dyuymli o‘raladigan televizorni taqdim etadi