Блинкен: “АҚШ, Миср ва Иордания Исроилга қарши янги фронт очилишига йўл қўймайди”

Америка Қўшма Штатлари, Миср ва Иордания ўз таъсир доирасини Исроилга қарши иккинчи фронт очишдан қайтариш учун фойдаланишга келишиб олдилар.

Бу ҳақда АҚШ давлат котиби Энтони Блинкен Миср ва Иорданиядан келган ҳамкасблари билан Амманда бўлиб ўтган қўшма матбуот анжуманида маълум қилди.

“Бугун барчамиз Фаластин-Исроил можаросини кескинлаштиришга сабаб бўладиган иккинчи фронт очишни тўхтатиш учун ўз таъсиримиз ва имкониятларимиздан фойдаланиш муҳимлигини тан олдик. Биз барчамиз бундан манфаатдормиз”, — деди Блинкен.

Аввалроқ Энтони Блинкеннинг Конгрессдаги нутқини Ғазо аҳолисини қўллаб-қувватлаган намойишчилар бўлиб қўйгани хабар қилинганди.

Намойишчилар Ғазо секторида “ўт очишни тўхтатиш”ни талаб қилди. Фаоллар Конгресс залига кириб, Блинкеннинг нутқини кутган. Шундан кейин, улар қизил бўёққа бўялган қўлларини кўтариб, Ғазо сектори аҳолисини қўллаб-қувватловчи шиорлар айтишни бошлаган. Уларни залдан Капитолий полицияси олиб чиқиб кетган.

Шухрат Раззаков

«ЗАМИН.УЗ» муҳаррири

Мавзуга оид янгиликлар

Шимолий Кипр ва туркий бирлик: зиддият эмас, тадрижийлик

Бугун, 20:47

Туркияда содир бўлган кучли зилзила сабаб 151 киши бинолардан сакраган

Бугун, 19:24

Орзу йўлида ҳар куни самолётда учган хонанда Юдзуки Накасима: «Қийинчиликлар орзуларимизнинг қийматини оширади»

Бугун, 18:52

Хитой ва Россия Ойда атом электр станцияси қуришни режалаштирмоқда

Бугун, 18:00

Англияда машҳур юлдузлар ёқтирган орол 33 миллион долларга сотувга чиқди

Бугун, 17:42

Америка “тинчлик режаси”: Украинага қандай ваъдалар, Россияга қандай ютуқлар?

Бугун, 17:02