Швецияда сўнгги 300 йил ичидаги энг паст туғилиш даражаси қайд этилди

^{Фото: Anadolu}
Швеция фуқаролик ҳолатини қайт этиш муассасалари сўнгги 300 йилдаги энг паст туғилиш даражасини эълон қилди. Бу ҳақда Anadolu нашри хабар берди.

Хабарда айтилишича, мамлакатда туғуруқ ҳолатларини расмий қайд этиш тизими 1749 йилда йўлга қўйилган. Ҳозирда эса расмий ташкилотлар ўтган қарийб 300 йиллик статистикага таянган ҳолда мамлакат энг салбий кўпайиш тенденциясини намоён қилаётганини билдирган.

Маълумотларга таянадиган бўлсак, швециялик аёллар ўртасида фарзанд кўриш адади ҳозирда ўртача 1,45 тани ташкил этади. Турмуш қурган аёлларнинг тахминан 10 фоиздан ортиғи фарзанд кўришни истамайди.

Ўтган йили мамлакатда янги туғилган чақалоқлар сони 2003 йилдан бери энг паст натижа қайд этган. Расмийлар бу ҳолат демографик инқирозга етаклашидан хавотир билдирган.

Манбага кўра, 2023 йилда 26 та муниципалитетда 40 тадан кам туғилиш ҳолати қайд этилган. Шимолий Доротеа муниципалитетида йил давомида атиги саккизта чақалоқ дунёга келган.

Мамлакатнинг қатор ҳудудларида мактаблар ёпилгани ва бирлаштирилгани ҳақидаги маълумотлар тарқалган. “Замин” янгиликларини “Telegram”да кузатиб боринг