Фото: Getty Images
Британия бош вазири Кир Стармер Илон Маск мамлакатда юз бераётган тартибсизликлардан кейин «фуқаролик уруши муқаррар» эканини айтганидан сўнг америкалик миллиардер билан даҳанаки жанг домида қолди.
X ижтимоий тармоғи (собиқ Twitter) эгаси одамлар полицияга қарши мушакларни отаётгани тасвирланган видеога изоҳ қолдирди. Бош вазир вакили Маскнинг изоҳини «ҳеч қанақасига оқлаб бўлмаслигини» айтиб, ижтимоий тармоқни бошқарувчи компания «каттароқ нарса қила олиши ва бунга мажбур эканини» қўшимча қилди.
Шундан сўнг Илон Маск бош вазирнинг Х’да масжидлар ёки мусулмон жамоаларига уюштирилган ҳужумларга қараб турмаслигини айтган пости остига савол йўллади: «Сизни барча жамоаларга уюштириладиган ҳужумлар ташвишга солиши керак эмасми?»
Маск, шунингдек, интернетда «Бу Британиями ёки Совет Иттифоқи?» дея изоҳ қолдиргани учун ҳибсга олингани айтилаётган эркак видеоси билан улашди. Бундан ташқари, у Буюк Британия полициясининг ҳаракатларини қораловчи постга изоҳ бериб, полициянинг ҳаракати «ростдан ҳам бир томонлама кўринганини» таъкидлади.
Полициянинг бундай ҳаракатлари борасидаги айбловларга жавоб қайтарган адлия вазири Хайди Александрга кўра, бу каби «асоссиз таъкидлар» «ўз ишини бажараётган ва қонун устуворлигини таъминлаётган полициячилар учун номақбул ёрдамдир».
Унинг қўшимча қилишича, ижтимоий тармоқларни бошқарувчи компания тинчликка чорлаш ва дезинформациянинг олдини олиш бўйича ёрдам кўрсатишга «маънан мажбур».
Шу билан бирга, Британия IT институти (BCS) ўтган дам олиш кунлари содир бўлган тартибсизликлардан кейин ОАВни назорат қилувчи Ofcom’ни Х компаниясига жарима қўллаш имкониятини кўриб чиқишга чақирди. BCS аъзоси Адам Леон Смитнинг қайд этишича, «дезинформация тартибсизликлар ва тўлқинларни келтириб чиқарганида бунинг оқибати бўлиши керак. Биз Ofcom’ни имкон қадар тезроқ Интернетда хавфсизлиги тўғрисидаги қонунга риоя этилишини таъминлашга чақирамиз», — дейди у.
Мамлакат ички ишлар вазири Иветт Купер ҳукумат «уйидаги босқинчилик»ка қараб турмаслигини маълум қилиб, ижтимоий тармоқларга эгалик қилувчи компаниялар жиноятни рағбатлантирувчи онлайн постлар учун «масъулиятни зиммасига олиши» кералигини айтди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ислом Каримов: «Сен нимага ўйин қиласан?»
Яқин Шарқ учун вақт деярли тугади
Эрон Исроилга таҳдидлар ортидан ўз ҳаво ҳудудини ёпди
Эрон Венгрия орқали Исроилга бўлажак ҳужум ҳақида огоҳлантириш юборди
Эрон олий раҳбари Исроилга тўғридан-тўғри ҳужум қилиш ҳақида буйруқ берди
ОАВ: АҚШ ва Исроил Эроннинг зарбасини душанба куни кутмоқда
“Ҳизбуллоҳ” ўнлаб ракеталар билан Исроил шимолига ҳужум қилди
ҲАМАСнинг янги етакчиси номи яқин кунларда эълон қилинади
