Исроил мудофаа кучлари (ЦАҲАЛ) 16 октябр куни Ҳамас ташкилотининг Ғазо секторидаги етакчиси Яҳё Синвар ўлдирилгани ҳақидаги баёноти фонида Германия Ташқи ишлар вазирлиги 17 октябр, пайшанба куни кечқурун яна бир бор ўт очишни тўхтатиш ва фаластинлик жангчилар қўлида қолган барча гаровга олинганларни озод қилишга чақирди.
Синвар «Исроилни ва унинг халқини йўқ қилишни» истаган «шафқатсиз қотил» эди, дея таъкидлади Германия Ташқи ишлар вазирлиги X ижтимоий тармоғидаги постида. У 2023 йил 7 октябрда Исроилга Ҳамаснинг йирик ҳужуми ортида турган ва шунинг учун «минглаб одамларнинг ўлимига сабаб бўлди ва бутун минтақа чексиз азоб-уқубатларга дуч келди», деб таъкидланади постда.
Энди Яҳё Синвар ҳалок бўлганидан сўнг, «Ҳамас ҳаракати барча гаровга олинганларни зудлик билан озод қилиши ва қуролларини топшириши керак», дея маълум қилди Германия Ташқи ишлар вазирлиги: «Ғазо секторидаги одамларнинг азоблари ниҳоят тугаши керак».
Айни пайтда, 17 октябр куни Брюсселда бўлган Германия канцлери Олаф Шолц Европа Иттифоқи Кенгаши йиғилишида Ғазо секторида исроиллик гаровга олинганларнинг ғайриинсоний шароитларда сақланаётганини яна бир бор эслатиб, Исроил ўзини ҳимоя қилиш ҳуқуқига эга эканлигини таъкидлади.
WP: Ҳамас Исроилга 11 сентябрдаги каби ҳужум қилмоқчи бўлган
Фаластиннинг Ҳамас ҳаракати жангчилари 2023 йил 7 октябрдаги ҳужумдан анча олдин Исроилда кенг кўламли қатор ҳужумлар ва терактлар уюштиришни режалаштирган, деб ёзади The Washington Post (WP) 12 октябр куни ҳаракатнинг Ғазо секторидаги қўмондонлик марказларида исроиллик ҳарбийлар томонидан аниқланган Ҳамас раҳбариятининг 10 та махфий учрашуви баённомаларига таяниб.
Ўнлаб саҳифаларда Ҳамаснинг режаси батафсил баён этилган — у 7 октябрдаги ҳужумдан анча катта. У 2001 йил 11 сентябрда АҚШдаги каби Тел-Авивда осмонўпар бинога ҳужум, шунингдек, темирйўллардаги портлашларни ўз ичига олади. WP қайд этишича, журналистлар қўлга киритган 59 саҳифалик хат ва ҳужжатлар, Исроил мудофаа кучлари (ЦАҲАЛ) маълумотларига кўра, Ғазо секторига қуруқликдан бостириб кириш бошланганидан бери топилган минглаб ҳужжатларнинг фақат кичик бир қисмидир.
«Ҳамас Исроил ва яҳудий халқини йўқ қилишга шунчалик қатъий қарор қилдики, у Эронни тўғридан тўғри можарога тортишга муваффақ бўлди — Эрон тайёр бўлмаган шартлар асосида», деди Исроил хавфсизлик хизмати расмийси. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
