© Sputnik / Валерий Шарифулин / POOL
Владимир Зеленский сентябрь ойида иттифоқчиларга Украина бўйича унга тақдим этилган "ғалаба режаси"нинг асосий қоидаларини қабул қилиш учун уч ой вақт берди. Уларнинг кўпчилиги бундай “муддатларнинг қатъийлиги”дан хавотир билдирди, бироқ ҳеч ким Украина ташаббусини қўллаб-қувватлашини аниқ айтмади. Бу ҳақда РИА Новости "Associated Press" нашрига таяниб хабар берди.
Зеленский аввалроқ ўзининг Telegram-каналида Украинанинг “ғалаба режаси” тўлиқ тайёр эканини айтган эди. Август ойида у режада Россияни можарони дипломатик йўл билан тугатишга мажбурлаш учун кучли пакет ҳам борлигини таъкидлади.
Россия Федерацияси президентининг матбуот котиби Дмитрий Песков Зеленскийнинг сўзларига муносабат билдирар экан, Москва Киев режимининг моҳиятини билишини, махсус ҳарбий операцияни давом эттиришини ва барча мақсадларига эришишини таъкидлади.
Агентлик маълумотларига кўра, Украина расмийлари ўтган ҳафта Германияда бўлиб ўтиши керак бўлган Украинага ҳарбий ёрдам кўрсатиш бўйича алоқа гуруҳининг йиғилишида Ғарбдаги иттифоқчиларининг муносабатини кутишган, бироқ, АҚШ президенти Жо Байден “Милтон” тўфони сабабли у ерга сафарини кейинга қолдиришга қарор қилганидан сўнг бу бекор қилинди.
“Зеленский ўз режасини бошқа асосий иттифоқчиларга тақдим этиш учун Ғарб пойтахтларига сафар қилди... Аммо уларнинг ҳеч бири бу режани қўллаб-қувватлашига ҳали ҳеч қандай ишора қилмаган. Баъзилар Зеленский томонидан белгилаб қўйилган қатъий муддатдан хавотир билдиришди, у сентябрь ойи охирида иттифоқчиларга режанинг асосий қоидаларини қабул қилиш учун атиги уч ой берди”, — дейилади хабарда.
Песков Зеленскийнинг “тинчлик режаси”ни АҚШнинг охирги Украинага қадар курашиш режаси деб атади.
"Кўп ҳафталардан бери қандайдир вақтинчалик "тинчлик режаси" ҳақида гап кетмоқда, лекин, эҳтимол, бу Американинг биз билан охирги Украинагача курашиш режаси бўлиб, Зеленский ҳозир уни "тинчлик режаси" деб атаган. Бу шундай кўринади. Бошқа режа йўқ”, — дейди у.
Шу билан бирга, Россия президенти матбуот котиби ҳали эшитмаган ва кўрмаган нарсага изоҳ бериш унинг учун қийинлигини таъкидлади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
