АҚШда 15 яшар қиз мактабда отишма содир этди

^{Фото: CNN}
АҚШнинг Висконсин штати Медисон шаҳридаги мактаблардан бирида 15 ёшли қиз отишма содир этди. Бу ҳақда CNN хабар берди.

Полицияга кўра, ҳодиса Abundant Life христиан мактабида содир бўлган. Қурбонлар орасида бир нафар ўқувчи, ўқитувчи ва отишмада гумонланган қиз бор. У ўзига ҳам ўқ узган ва олган жароҳати оқибатида касалхонага олиб кетилаётганда вафот этган. Жароҳатланганлар сони 6 кишини ташкил этмоқда, икки кишининг ҳаёти хавф остида.

^{Фото: Yahoo}
Abundant Life христиан мактабида 420 га яқин ўқувчи таълим олади. Муассаса келаси ҳафта Рождество таътили учун ёпилишни режалаштирган.

^{Фото: USА Today}
Медисон полицияси бошлиғи Шон Барнс отишмада 15 ёшли гумонланувчининг ота-онасини айбламоқчи эмас.

Ота-оналар тўлиқ ҳамкорлик қилмоқда, ҳозирда уларнинг жиноят содир этганига ишонишимиз учун ҳеч қандай асос йўқ, деган Барнс.

^{Фото: Wisconsin Public Radio}
АҚШда сўнгги йилларда ҳуқуқни муҳофаза қилиш органлари мактабда ўқ отган болаларнинг ота-оналарига қарши айблов қўймоқда. Мисол учун:

• 2021 йил ноябрь ойида Итан Мичиган штатидаги ўрта мактабда отишма уюштиргани сабабли ота-онаси 10 йилдан 15 йилгача қамоқ жазосига ҳукм қилинган.
  
• Жоржия штатидаги Апалачее ўрта мактабида оммавий отишма уюштирган 14 ёшли Колт Грэйнинг отасига жорий йилнинг бошида 29 та айб қўйилган.
  

“Замин” янгиликларини “Youtube”да кузатиб боринг