Москва вилоятининг Становоэ қишлоғи яқинида ўзбекистонлик ҳайдовчи катта йўлга устки кийимсиз эмаклаб чиққан 11 ойлик чақалоқни қутқариб қолди. Совуқдан музлаб, йиғлаётган болани пайқаган ҳайдовчи дарҳол тўхтаб, уни иситишга ҳаракат қилган ва тез ёрдам ҳамда полицияга хабар берган.
Қутқарувчи болани машинасига олиб, адёлга ўраган ва иситиш учун печкани ёққан. Унга бир аёл яқинлашиб, боланинг бувиси эканлигини айтган, лекин ҳайдовчи ҳуқуқ-тартибот ходимлари ва шифокорлар келмагунча чақалоқни бермаган. Кейинчалик бу аёл ҳақиқатдан ҳам боланинг қариндоши эканлиги аниқланган.
Табиблар чақалоққа биринчи даражали совуқ ташхисини қўйган ва ҳозирда у амбулатор даволанмоқда. Ҳайдовчига боланинг ота-онаси мукофот таклиф қилган, аммо у бу маблағни чақалоқнинг эҳтиёжларига сарфлаш яхшироқ эканини айтиб, рад этган.
Ҳодиса юзасидан Москва вилояти прокуратураси текширув ўтказмоқда.
Манба: azon.global “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
