Маъшуқаларининг “жим юриши” Илон Маск учун қанчага тушмоқда?

26 ёшли ёзувчи Эшли Сент-Клер февраль ойида фарзандли бўлди ва ДНК тести натижаларига кўра у 99,9 фоиз эҳтимол билан Илон Маскнинг 13-фарзанди ҳисобланади. 15 апрель куни миллиардернинг собиқ севгилиси, бизнесмен болаларининг ёш оналари жим юриши учун қанча пул тўлашга тайёрлигини ошкор қилди.

Янги туғилган болага Ромулус деб исм қўйилган. Маск оталикни оммавий равишда тан олмаган ва ҳозирда суд жараёни давом этмоқда. Сент-Клернинг айтишича, миллиардер унга оталик ҳақида жим юриши эвазига камида 2,5 миллион доллар берган ва бундан ташқари 15 миллион доллар ҳамда бола 21 ёшга тўлгунча ҳар ой 100 минг доллар тўлашни таклиф қилган.

^{Фото: Instagram}
Маскнинг ёрдамчиси Жаред Бирчаллнинг сўзларига кўра, тадбиркор бундай шартномаларни ўз фарзандларининг бошқа оналари, шу жумладан Граймс ва Шивон Зилисс билан ҳам тузган. Сент-Клер таклифни рад этди. Унинг айтишича, Маск маъшуқасидан туғруқ жараёнида кесарча кесиш операциясини талаб қилган, чунки бу боланинг мия ривожига ижобий таъсир кўрсатади деб ҳисоблаган, бундан ташқари хатна қилишга қарши бўлган. Яҳудий бўлган Сент-Клер табиий туғруқни маъқул кўрган ва иккала таклифни ҳам рад этган.

Эслатиб ўтамиз, жуфтлик 2023 йилнинг баҳорида ижтимоий тармоқлар орқали танишган. Маск ўша пайтда The Babylon Bee сайтининг операцион менежери бўлган қизни Сан Францискодаги Х* офисига таклиф қилган. Кейинчалик у қизни ўзининг хусусий самолётида Род Айлендга учишга таклиф қилган. «Замин»ни Telegram’да ўқинг!