Ҳиндистондаги кўнгилочар боғда аёл учун даҳшатли ҳолат юз берди. У айланувчи ғилдиракнинг пастга тушаётган пайтида кабинкани тарк этишга ҳаракат қилди. Бироқ механизм кутилмаганда орқага ҳаракатланиб қолгани сабабли, аёл ҳавода илиниб қолди.
Гувоҳларнинг сўзларига кўра, у бир неча сония давомида қўллари билан конструкцияда осилиб турган ва ҳар лаҳзада пастга йиқилиб кетиши мумкин эди. Атрофдагилар бу ҳолатни ҳаяжон билан кузатар экан, яқинда турган мард кишилардан бири жасорат кўрсатиб, конструкцияга чиқди. У аёлни қўллаб, қўшни кабинкага хавфсиз ўтишга ёрдам берди.
Шундай қилиб, ҳалокатли фожиа олди олинди. Ҳозирда аттракцион ва унинг хавфсизлик тизими текширилмоқда. Мутасаддилар бундай вазият такрорланмаслиги учун қўшимча чоралар кўрилиши ҳақида маълум қилишган.
Бу воқеа кўнгилочар боғларда хавфсизлик қоидаларига қатъий риоя қилиш қанчалик муҳимлигини яна бир бор исботлади.
«Замин»ни Telegram’да ўқинг!
