Киев шаҳрида бўлиб ўтган қўшма матбуот анжуманида НАТО бош котиби Марк Рютте Украина президенти Володимир Зеленский билан биргаликда иштирок этиб, мамлакатнинг келажак хавфсизлиги ҳақида фикр билдирди. Унинг таъкидлашича, Украина Ғарб иттифоқчиларидан аниқ ва ишончли хавфсизлик кафолатларини олиши зарур.
Рюттенинг сўзларига кўра, Зеленский ва Россия президенти Владимир Путин ўртасида эҳтимолий музокаралар ўтказилишидан аввал Украина «аниқ дўстлар кучига» эга бўлиши керак. «Ҳозир биз айнан шу йўналишда ҳаракат қиляпмиз», — деди НАТО бош котиби.
Шимолий Атлантика алянси раҳбарининг таъкидлашича, ишлаб чиқилаётган хавфсизлик кафолатлари Россияни келгусида Украина ҳудудидан ҳатто бир квадрат километрини ҳам эгаллашга уринишдан тийилишига хизмат қилиши шарт. Рютте бу жараёнда НАТО ва АҚШ асосий иштирокчилардан бири сифатида ҳаракат қилаётганини маълум қилди.
Шу билан бирга, у Европа ва АҚШ томонидан тақдим этиладиган хавфсизлик кафолатлари Украина мудофаасининг «иккинчи қатлами» бўлишини, биринчи ва энг муҳим қатлам эса Украина армиясининг ўз салоҳиятини мустаҳкамлаши эканини алоҳида таъкидлади.
Муттахассислар фикрича, Рюттенинг бу баёноти Украина учун стратегик аҳамият касб этади ва келгусида мамлакатнинг хавфсизлик тизимида янги босқични белгилаб бериши мумкин.
«Замин»ни Telegram’да ўқинг!
