Россия президенти Владимир Путин ва Хитой раҳбари Си Зинпин Пекинда учрашиб, икки давлат муносабатларини муҳокама қилди. Путин алоқалар “мислсиз даражага етганини” таъкидлади, Си эса Хитой ва Россия ҳамкорлиги халқаро ўзгаришларга дош берганини айтди.
Учрашув Хитойда ўтказиладиган йирик ҳарбий парад арафасида бўлиб ўтди. Парад Иккинчи жаҳон уруши тугаганидан кейин Япониянинг таслим бўлганининг 80 йиллиги муносабати билан ташкил этилмоқда. Унга Шимолий Корея раҳбари Ким Чен Ин ҳам қатнашиши кутилмоқда.
Икки лидер Ғарб давлатларини танқид қилди. Си “баъзи мамлакатларнинг зўравонлиги”ни қоралади, Путин эса Россиянинг Украиналаrдаги ҳаракатларини оқлаб, можаро учун Ғарбни айблади.
Пекин Москвага нисбатан нейтрал позицияда қолмоқда. АҚШ ва иттифоқчилари Хитойни Россияга ёрдам берaётганликда айбласа-да, Пекин буни рад этмоқда.
«Замин»ни Telegram’да ўқинг!
