АҚШ президенти Доналд Трамп Россия раҳбари Владимир Путиндан жуда кўнгли қолганини очиқ баён этди.
«Мен Путиндан қаттиқ ранжидим. Ҳеч қандай манфаатсиз давом этаётган урушда минглаб инсонлар ҳаётдан кўз юммоқда. Агар мен президент лавозимида бўлганимда, бу тўқнашув умуман бошланмасди», — деди Америка етакчиси сиёсатшунос Скотт Женнингс билан телефон орқали суҳбатда.
Трамп қўшимча қилиб, АҚШ инсонлар ҳаётини асраб қолиш учун албатта чора кўришини таъкидлади. Унинг сўзларига кўра, ҳар ҳафта камида етти минг одам ҳалок бўлмоқда, уларнинг асосий қисми — аскарлар.
«Мен буни тўхтатишга ёрдам бериш имкониятига эга бўлсам, бундан четда тура олмайман. Ўйлайманки, бу ишни амалга оширишга бурчлиман», — деди АҚШ президенти.
Шу тариқа, Трамп яна бир бор Россия–Украина уруши юзасидан кескин баёнот берди ва агар уруш бошланмасдан давлат раҳбари бўлганида, вазият бутунлай бошқача бўлиши мумкинлигини қайд этди.
