20 декабрда Истанбулда Босфор кўрфази тагидан ўтувчи "Евросиё" туннели очилиш маросими бўлиб ўтди. Тадбирда Туркия президенти Ражаб Тоййиб Эрдўған, бош вазир Бинали Йилдирим ҳамда кўплаб хорижий давлатлар етакчилари, бош вазирлари, вазирлари ва элчилари иштирок этди.
Туркия президенти тадбирдаги нутқида туннел Истанбулнинг Европа ва Осиё қисмини боғлашга қаратилганини айтди.
"Автомобиль туннелининг пойдевори Истанбулнинг Осиё қисмида қўйилди, уни эса Истанбулнинг Европа қисмида очмоқдамиз. Бу туннел очилиши муҳим воқеа ҳисобланади", деб айтди Эрдўған.
Унинг айтишича, туннелдан ўтиш учун тўлов йил охиригача 15 турк лирасини ташкил қилади. Туннел эвазига Истанбулнинг Казличешме ва Гозтепе туманлари ўртасидаги йўлга кетадиган вақт 90 дақиқадан 15 дақиқага камаяди.
Бу туннел сув остида бундай чуқурликда ўтказилган биринчи туннелдир. Уни қуриш бўйича ишлар Босфор остида 106 метр чуқурликда олиб борилган. Туннелнинг узунлиги 14,6 км ни ташкил қилади. Кўрфаз остидан туннелнинг 5,4 км лик қисми ўтган. Туннелнинг қурилишига 1,25 млрд доллар сарфланган.
“Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
Ўзбекистонда ўтган уч ойда қанча автомобиль ишлаб чиқарилган?
Владимир Путин «Крокус»да содир этилган теракт учун ўч олишга чақирди
Damas учун онлайн контрактация очилади
Америкалик олимлар барча учун бирдек фойдали жисмоний фаоллик турини аниқлади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди