Вашингтон Пекин сармоясини муҳокама қилмоқда
Хитой инвестиция эвазига чекловларни бекор қилишни хоҳламоқда
Хитой Америка Қўшма Штатларига 1 триллион доллар қийматидаги инвестиция киритишни таклиф қилди. Бу ҳақда South China Morning Post хабар берди.
Манбаларга кўра, Пекин бу сармоя эвазига хитойлик компанияларга нисбатан жорий этилган иқтисодий чекловларни бекор қилишни сўраган. Вашингтон ҳозирда таклиф шартлари ва сармоя миқдорини муҳокама қилмоқда.
Шу билан бирга, Трамп маъмурияти Россиядан нефть ва газ харид қилаётган мамлакатларга — жумладан, Хитой, Ҳиндистон ва Туркияга — нисбатан 100 фоизлик иккиламчи божлар жорий этиш имкониятини кўриб чиқмоқда.
Шунга қарамасдан, Трамп ҳозирча Хитойга қарши янги санкциялар киритишга шошилмаяпти, чунки икки давлат ўртасидаги савдо музокаралари фаол босқичга кирган.
“Zamin”ни Telegram'да ўқинг!
