АҚШнинг Монтана штатида 24 ёшли Маркус Клевин ҳаракатланаётган машинага сакраб чиқди, ҳайдовчи ҳушини йўқотган эди. У автомобилни тўхтатиб, унинг эгасининг ҳаётини сақлаб қолган, деб ёзади People.
Воқеани тасвирга олган кузатув камераларида ҳайдовчи дўкон олдидаги автотураргоҳда йўлтанламас машинасига ўтириб, уни ўт олдираётганини кўриш мумкин. Шундан сўнг у ҳушини йўқотади ва ҳайдовчи эшигини ёпишга улгурмайди.
Шу пайт Маркус Клевин дўкондан чиқиб, тўхташ жойида эшиги очиқ автомобиль айланиб юрганини кўрди. "Мен бироз қўрқиб кетдим. Мен нима бўлаётганини кўриш учун яқинлашдим ва менга ҳайдовчи машинадан тушиб кетгандек туюлди," - деб эслайди Клевин.
"Бу табиий инстинкт эди - машинага сакраб чиқиш, тормозни босиш ва вазиятни янада кескинлаштирмасликка ҳаракат қилиш," - деб тушунтирди эркак.
Машинани тўхтатиб, Клевин дўконга қайтди ва тез ёрдам чақирди. Полициячилар ҳайдовчига воқеа жойида тиббий ёрдам кўрсатилганини тасдиқлади.
“Zamin”ни Telegram'да ўқинг!
