АҚШнинг шимоли-шарқий ҳудудларига кучли қор бўрони ёпирилиши оқибатида мамлакат бўйлаб 2 мингдан ортиқ авиарейс бекор қилинди, яна камида 700 та парвоз кечиктирилди. Бу ҳақда онлайн кузатув хизмати — FlightAware хабар берди.
Қайд этилишича, бир кун давомида АҚШ ичида, шунингдек мамлакатга кириб келиши ёки ундан чиқиши режалаштирилган жами 2 026 та рейс амалга оширилмай қолган.
Мамлакат ички хавфсизлик вазири — Кристи Ноэм шимоли-шарқий штатлар томон навбатдаги табиий офат яқинлашаётгани ҳақида огоҳлантирди. Унинг сўзларига кўра, Нью-Жерсидан тортиб Жануби-Шарқий Янги Англия ҳудудларигача бўлган масофада қор бўронлари, жадал қор ёғиши ва кучли шамол кузатилиши мумкин. Энг катта зарар соҳилбўйи ҳудудларига тўғри келиши кутилмоқда.
Шунингдек, аввал — январ ойида ҳам мамлакатнинг катта қисми шиддатли қор ёғиши таъсири остида қолган эди. Айниқса, қиш шароитига нисбатан кам мослашган Теннесси, Миссисипи ҳамда Луизиана штатларида жиддий оқибатлар қайд этилган.
“Zamin”ни Telegram'да ўқинг!
