Кенияда шер суратга олиш гуруҳининг камерасини ўғирлади (видео)

Кенияда Африка ҳақида ҳужжатли фильмни суратга олаётган ижодкорлар жамоасининг камерасини шер ўғирлаб кетди, деб хабар берди Даракчи нашри.

Видеороликда даланинг ўртасида қолдирилган камерани шерлар ўраб олиб, уни қизиқиш билан томоша қилишаётганлигини кўриш мумкин. Урғочи шерлардан бири эса атрофни суратга олаётган камерини тишлаб олиб қочган.

Суратга олиш гуруҳи ҳам шернинг ортидан қолмаган. Кейинроқ шер камерани ташлаб, унинг штативини ўзи билан олиб кетган.

“Менинг Африкам” номли ҳужжатли фильм Кения қўриқхоналарига бағишланган бўлиб, у ўтган ҳафтада Халқаро табиатни муҳофаза қилиш ҳамжамияти сайтида премьера қилинган.
“Замин” янгиликларини “Инстаграм”да кузатиб боринг