20:14 / 28.07.2018
2 644

Черногория инвестициялар учун фуқароликни таклиф қилмоқда

Черногория инвестициялар учун фуқароликни таклиф қилмоқда
Черногория ҳукумати инвестициялар орқали республика фуқаролигини олиш дастурини эълон қилди. Бу ҳақда фуқаролик масалалари билан шуғулланувчи Henley & Partners компанияси хабар берган. Ташкилот сармоялар орқали фуқаролик дастурларини жорий этиш бўйича баъзи мамлакатлар ҳукуматларининг маслаҳатчисидир. Давлат дастурига оид маълумотлар Черногория ҳукуматининг расмий сайтида ҳам эълон қилинди.

Чет элликлар жорий йилнинг октябрь ойидан бошлаб республика паспортига эга бўлишлари мумкин. Эҳтимолий инвесторларга ҳомийлик учун бир неча вариантлар таклиф этилади. Улар орасида - мамлакатнинг ривожланган ҳудудларида ҳукумат томонидан тасдиқланган лойиҳаларга 450 минг евро миқдорида сармоя ёки кам ривожланган ҳудудларда лойиҳалар учун 250 минг евро миқдорида инвестиция киритиш.

Дастурнинг дастлабки уч йилида фақат 2 минг нафар хорижий фуқаро инвестор сифатида паспорт олиш имкониятига эга бўлади. Дастурга ариза топширилганидан сўнг бир ой ичида дастур қатнашчилари Черногорияда доимий яшовчи мақомини, олти ойдан кейин эса - мамлакат фуқаролигига эга бўлишади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)