Ноҳақ қатл қилинган хитойликнинг қариндошларига 322 минг доллар товон пули тўланди

Хитой суди ноҳақ қатлга ҳукм қилингани аён бўлган ёш хитойликнинг қариндошларига маънавий зарарни қоплаш учун 322 минг доллар миқдоридаги товон пули тўланиши ҳақида қарор чиқарди. Бу ҳақида “Синьхуа” агентлиги'га асосланиб Kun.uz хабар беради.

1996 йилда Хитойда Хугжит исмли 18 ёшли йигит зўравонлик ва қотилликда айбланиб, ўлимга буюрилган эди.

Эндиликда, адвокатлар бу бегуноҳ йигитни оқлашга муваффақ бўлишди ва унинг ота-онаси Ли Шанрен ҳамда Шанг Айюн учун ҳукуматдан 322 минг доллар миқдоридаги товон пулини ундириб беришди.