Ҳасанбой Дўсматов «кўча жанги»да иштирок этдими? (видео)

Ижтимоий тармоқларда ўзбек боксчиси Ҳасанбой Дўсматов кўчада ким биландир келишолмай «рақиби»ни супер нокаутга учратгани тасвирланган видео тарқалди.
Xabardor.uz мухбири ушбу воқеага аниқлик киритиш мақсадида Ўзбекистон профессионал бокс федерацияси билан боғланди. Федерация вакилининг маълум қилишича, видео тасвирдаги шахс Ҳасанбой Дўсматов эмас.

Эслатиб ўтамиз, жорий йилнинг 17 ноябрь куни 2016 йилги Рио олимпиадаси чемпиони Ҳасанбой Дўсматов профессионал боксдаги илк жангини ўтказган эди. Мексикада ташкил этилган дебют жангини у мексикалик Хесус Сервантес Вилянуевага қарши ўтказиб, нокаут эвазига ғалаба қозонган эди.

Ҳасанбой профессионал фаолиятини биринчи ўта енгил – 48,99 кг. вазн тоифасида бошлади.
Ушбу жанжал аслида Ўзбекистонда эмас, балки Россияда юз берган. Видеодаги жабрланувчи Чеченистоннинг Аргун шаҳри полициясининг собиқ раҳбари Аюб Катаевдир.

Аюб Катаевни 3 ноябрь куни Москвадаги тўқимачилик корхонаси яқинида жойлашган бар олдида калтаклашган.
Гувоҳларнинг сўзларига кўра, Катаев осиёча кўринишга эга икки эркак билан тортишиб қолган. Катаев улардан бирини туртган. Шундан сўнг эркаклар унинг жағига икки марта тушириб, ерга йиқитган: ВИДЕО

Жанжалдан бироз вақт ўтиб, Катаев ИИБга ариза билан мурожаат қилган.
Қайд этилишича, чеченистонлик полициячини урган эркакларнинг шахси аниқланмаган.

Янгиликлар