Фото: Reuters /Tyrone Siu
Хитойда коронавирусга чалинган Цзян фамилияли аёл касалликдан фориғ бўлгач, интервью берди. Бу ҳақда “Синьхуа” ахборот агентлигига таяниб ИноСМИ нашри хабар берди.
Аёлнинг таъкидлашича, у 44 ёшда бўлиб, Ушань уездининг Чунцин шаҳрида яшайди. Аёл охирги йиллар янги коронавирус тарқалиш маркази ҳисобланган Ухань шаҳрида ишлаб келган.
“15 январда мен Янги йилни кутгани она шаҳримга жўнадим. Турмуш ўртоғим мени кутиб олиш учун темир йўл вокзалига келди ва менинг аҳволим ёмонлигини кўрди. У шу заҳотиёқ мени маҳаллий шифохонага олиб борди. У ерда даволашнинг дастлабки бир неча куни самара бермагач, 21 январда мени “Санься” марказий шифохонасига кўчириб ўтказиб, изоляторга жойлаштиришди. Менда янги турдаги коронавирус келтириб чиқарувчи зотилжам аниқланди. Мен бу касалликка учраган Чунциндаги илк бемор бўлдим, шифокорлар ва ҳамширалар менга алоҳида эътибор билан қарашди”, деб айтган аёл.
Аёлнинг таъкидлашича, ҳар куни унга турли воситалар пуркаб туришган, вирусга ва инфекцияга қарши даволаш муолажаларини амалга оширишган, шифокорлар ҳаттоки хитой табобати усулларини қўллашган.
“Охирги кунлар касалликнинг аломатлари йўқола бошлади. Шифокорлар менга жавоб бериш мумкинлигини айтишди. Шифохона даволаш учун мендан бир фэн ҳам олмади [1 фэн – 0,01 юан]. Мендан “бу касаллик қўрқинчлими?” деб сўрашмоқда. Фикримча, энг асосийси кўрқмаслик ва иложи борича яхшироқ ҳимояланиш, ҳимоя ниқобини тақиб юриш ва қўлларни тез-тез ювиб туриш зарур. Агар тана ҳарорати кўтарилиб, йўтал ёки бошқа аломатлар пайдо бўлса, шу заҳотиёт шифохонага бориш лозим. Сени алоҳидалаб қўйишларидан хавотирланмаслик керак, руҳиятни чўктирмай, шифокорлар кўрсатмаларига қулоқ солиш, уларга ишониш лозим ва шунда албатта тузалиб кетасиз”, деб тавсия берган аёл.
Охирги маълумотларга кўра, Хитойда коронавирусдан вафот этганлар сони бир кун ичида 43 нафарга ошиб, 213 нафарга етди. Касалланганлар сони 9692 нафарни, даволанганлар сони 171 кишини ташкил қилмоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Испания ва Греция Киевга Patriot тизимларини етказиб беришдан бош тортди
Учар автомобил йўловчи билан биринчи парвозини амалга оширди (видео)
Мария Захарова украиналикларни Америка ҳиндуларига ўхшатди
Зоир Мирзаев “Телефонсиз мактаб”га 300 млн сўм мукофот берди
