Янги коронавирус билан касалланиш ҳолатлари сони кун сайин ортиб бормоқда, юқтириб олганларнинг аксарияти Хитой фуқароларидир. Аммо беморлар тўғрисидаги биринчи умумий маълумот шуни кўрсатдики, улар орасида 15 ёшдан кичик бўлганлар деярли йўқ. Маълум бўлишича, вирус болаларга деярли таъсир қилмайди. Бунинг сабаби нима?
Статистикага кўра, болалар янги вирусдан деярли зарар кўрмаяпти. Бундан ташқари, кам сонли кичик беморларда кўпинча касаллик аломатлари кузатилмаяпти ва улар вирусга қарши кураша олишмоқда.
Аниқланишича, болалар вирусга етарлича қаршилик кўрсатади, катталар эса осонлик билан зарарланиб, касалликнинг барча белгилари ва асоратлари кузатилади. 65 ёшдан ошган одамлар орасида эса ўлим даражаси энг юқори. Вирус қурбонларининг деярли барча кекса ёшли одамлардир.
Янги вирус ушбу параметрларга кўра атипик пневмонияга (SARS) жуда ўхшаш бўлиб, у ҳам болаларни қарийб четлаб ўтган, аммо кексаларни аямаганди. Атипик пневмониядан 8 минг нафардан ортиқ одам касалланган бўлса-да, болаларга юқиши билан боғлиқ 80та ҳолат қайд этилган ва уларнинг бирортасида ўлим кузатилмаган.
Грипп билан солиштирганда, вазият бироз ўзгача. Грипп вируси қурбонлари орасида ҳам кекса одамлар кўпчиликни ташкил қилади, аммо шу билан бирга болалар катта хавф остидаги гуруҳга киритилади. Кичик ёшлиларда гриппга чалиниш ҳолати жуда юқори ва кўпинча танада асоратлар кузатилади. Аниқланишича, янги коронавирус фуқароларнинг турли ёш тоифалари орасидаги тарқалиши нуқтайи назаридан SARS’га ўхшашдир.
Болалар катта шиддат билан тарқалаётган коронавирусга бу даражадаги қаршилик кўрсатишни қандай уддалашмоқда? Олимлар ҳозирча бу саволга аниқ жавоб бера олишмаяпти ва маълумотлар тўпланиши давом этмоқда. Мутахассислар икки эҳтимолий сабабни кўрсатишмоқда.
Аввало, болалар вирусга катталарга қараганда камроқ мойил бўлишади, шунинг учун ҳатто касал қариндошлари даврасида ҳам бола соғлом ҳолатда қолиши мумкин. Иккинчи тахминга кўра, болалар барибир юқтириб олишади, аммо уларнинг танасидаги ҳимоя механизмлари фарқли ва вирусга қарши фаолроқ курашади. Шунинг учун касаллик деярли енгил шаклда давом этади, деярли ҳеч қандай аломат ва асоратлар бўлмайди.
Нега бундай бўлаётгани қоронғи - шифокорлар янги вирус ҳақида ҳали жуда кам маълумотга эга эканликларини тан олишмоқда ва болалардаги юқори қаршилик нимага асосланганини аниқлаш учун қўшимча тадқиқотлар талаб этилади.
Ҳозирги кунда янги коронавирусни 40 мингга яқин одам юқтиргани маълум, аммо улар орасида болалар сони 10 нафардан кўп эмас. Шифокорлар қарийб 3,5 минг беморни даволай олишгани қувонарли. Вируснинг сайёрада тарқалишини Жонс Ҳопкинс университети тизимли фан ва муҳандислик илмий маркази томонидан тузилган ва ахборот сайтига жойлаштирилган харита ёрдамида кузатиш мумкин. Маълумотлар ҳар куни янгиланади.
“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШнинг Ғазодаги сиёсатидан норози Давлат департаменти расмийси истеъфога чиқди
Зоир Мирзаев “Телефонсиз мактаб”га 300 млн сўм мукофот берди
Ортиқча вазнли инсонлар учун соғлом овқатланишнинг бешта муҳим қоидаси
Лукашенко Ғарбга таҳдид билан чиқди
Германияда мактаб ўқувчилари оммавий равишда ислом динини қабул қилмоқда
Сариқми ёки яшил: қайси турдаги банан фойдалироқ?
Руслар Abrams танкларининг заиф томонини топишди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
