Билл Гейтс Teslaʼдан тўрт баравар қиммат турадиган электрокар сотиб олди

^{Porsche Taycan Turbo Фото: yorkshirepost.co.uk}
Microsoft корпорацияси асосчиси Билл Гейтс ўзи учун биринчи марта тўлиқ электрлаштирилган автомобил сотиб олди. Бу ҳақда у YouTube-блогер Маркус Браунли канали учун берган интервьюсида айтган.

Билл Гейтс бизнесда муқобил энергияни қўллашга мисол қилиб Tesla компаниясини айтиб ўтган, аммо у харид қилган электромобил бошқа компанияники – Porsche Taycan Turbo модели экан.
Гейтс суҳбатда, электрокарлар юриш захираси бўйича ички ёнув двигателли автомобиллардан ортда қолишини айтган. Шунингдек, Tesla компаниясида бирорта ҳам ички ёнув двигателли автомобил йўқлигини таъкидлаб ўтган.

Porsche Taycan Turbo ҳақида гапираётиб, Билл Гейтс бу ўзининг илк электромобили эканини ва ўзига жуда ёқишини таъкидлаган. Твиттер фойдаланувчилари бу борада Илон Маск фикри билан ҳам қизиқишган. Изоҳ ёзганлардан бири, кузатувчиларнинг аксарияти Гейтс фикрига қулоқ солишини, чунки у “ақлли йигит” эканини таъкидлаган. Маск бунга жавобан, Билл Гейтс билан кечган суҳбатдан таъсирланмаганини айтган, холос.

I'm disappointed because a lot of people are going to watch the interview and they are going to trust Bill's word for it and not even consider EVs. Why? Because Bill Gates is a really smart guy!
— Tesletter (@tesletter) February 18, 2020

Айтиш керакки, Porsche Taycan Turbo нархи 150 000 доллардан ошади, Tesla эса ўз электрокарларини бундан анча арзон сотади. Масалан, бошланғич комплектациядаги Model 3 электромобили 35 000 доллар туради – фарқ тўрт баравардан ҳам ортиқ!

^{Tesla Model 3 / Фото: rock-cafe.info}
Ўзбекистон президентининг куёви Отабек Умаров Тошкент кўчаларида тезликни ошириб ҳайдаган автомашина – Model S эса Long Range Plus комплектациясида 79 000 доллар туради.

Янгиликлар