Эрдўғаннинг маслаҳатчиси Туркия Россия билан урушишга тайёрлигини айтди

^{Фото: AP Photo / Ghaith Alsayed}
Туркия президентининг маслаҳатчиси, хавфсизлик ва ташқи сиёсат бўйича президент қўмитаси аъзоси Месут Ҳаққи мамлакат Россия билан урушга тайёрлигини маълум қилди. У бу ҳақда A Haber телеканали эфирида айтди.

Унинг сўзларига кўра, Туркия Сурия, Ироқ, курдлар ёки арабларнинг душмани эмас.
«Биз улар билан оға-инимиз. Биз ака укани ўлдирмаслиги учун шу ердамиз», — деди у. Ҳаққи Москва нотўғри йўлдан кетаётгани ва Анқаранинг ишончини йўқотганини қўшиб қўйди.

Маслаҳатчи 25 миллион нафар мусулмон яшайдиган Россия «ичидан тилка-пора бўлиши»ни айтди.
«Ўтмишда биз Россия билан 15 марта жанг қилганмиз, буни яна қиламиз, қасосимиз даҳшатли бўлади», — деди у.

Erdoğan's adviser Mesut Hakkı Caşın said Russia, where there are 25 Mn Muslims, will be dismembered from within. "We fought #Russia 16 times in the past, we will do it again, our vengeance will be quite terrible," he said. pic.twitter.com/n75eZ776D9

— Ahval (@ahval_en) February 27, 2020

Ҳаққи Суриянинг Идлиб вилоятида 27 февраль куни 33 нафар турк ҳарбийсининг ҳалок бўлгани тўғрисидаги маълумотга ана шундай муносабат билдирди. «Замин»ни Telegram’да ўқинг!