20:50 / 05.10.2020
1 972

Қирғизистон пойтахтидаги намойишлар тартибсизликларга айланиб кетди (фото, видео)

Қирғизистон пойтахтидаги намойишлар тартибсизликларга айланиб кетди (фото, видео)
Фото: Akipress
Қирғизистон пойтахти Бишкекда парламент сайлови натижаларидан норози бўлиб намойишга чиққанлар мамлакат парламенти биносига ҳужум уюштиришди. Бу ҳақда «Sputnik Қирғизистон» хабар бермоқда.

Хабарда айтилишича, тартибсизликлар иштирокчилари бино дарвозасини силкитишмоқда, айримлар бинони ўраб турган тўсиқдан ошиб ўтмоқда. Парламент биноси томон тошлар улоқтирилмоқда. Милиция норозилик намойишчиларини тарқатишга уринмоқда.

Охирги маълумотларга кўра, тўқнашувларда жароҳатланганлар бор. Ўқ овозлари эшитилмоқда.

Қирғизистонда 4 октябрь куни бўлиб ўтган парламент сайловидан сўнг натижадан норози бўлганлар намойишга чиқишди. Сайловда қатнашган 12 партиядан 11таси унинг натижаларини тан олишдан бош тортди.

Дастлабки натижаларга кўра, «Биримдик», «Мекеним Киргизстан», «Киргизстан» ва «Бутун Киргизстан» партиялари етарлича овоз тўплай олган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)