08:30 / 17.04.2021
3 218

Қозоғистонда Су-30 қирувчи самолёти фалокатга учради


Фото: ТАСС
«Ўқув-машғулот парвозлари вақтида СУ-30СМ самолёти Балхаш шаҳридаги ўқув-авиация марказига қўниш вақтида фалокатга учради», деб маълум қилинган Қозоғистон мудофаа вазирлигида. Таъкидланишича, воқеа маҳаллий вақт билан соат 20:45да юз берган.

Маълумотларга кўра, экипаж аъзолари орасида ҳалок бўлганлар йўқ. Учувчилар катапулта қилишга улгуришган ва ҳозирда шифокорлар назоратида қолмоқда.

Воқеа тафсилотлари аниқлаштирилмоқда. Самолётнинг қулаш жойига махсус комиссия жўнатилган. Таъкидланишича, роппа-роса бир йил аввал – 2020 йил 16 апрелда Қарағанда шаҳри яқинида Қозоғистон ҳарбий-ҳаво кучларининг МиГ-31 қирувчи самолёти фалокатга учраганди.

2021 йил 13 март куни Алмати аэропорти яқинида Ан-26 самолёти ҳалокатли қўнишни амалга оширган. Ўша авиаҳалокат оқибатида 4 киши ҳаётдан кўз юмган, 2 киши омон қолган. Маълумотларга кўра, самолёт Қозоғистон миллий хавфсизлик қўмитасининг авиация хизматига тегишли бўлган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Қозоғистонда Су-30 қирувчи самолёти фалокатга учради