Кремль Украинага қарши давлат чегараларида, Қора денгиз ва Азов денгизи ҳавзаларида ҳарбий ҳаракатларга ҳозирлик кўрмоқда. Хусусан, Украина чегараси яқинида, Қрим яримороли ва Донбасс вилоятининг босиб олинган ҳудудида йирик қўшин йиғаётган бўлса, денгиз ҳавзаларида ўз катерлари ва қирғоқни мудофаа қилиш кемалари воситасида Украинанинг ҳарбий ва савдо кемаларига қарши фитна уюштиришмоқда.
Руслар 9 май парадига ҳозирлик кўриш баҳонасида Озарбайжон ҳудудига қарата қўлланилган “Искандер”ларнинг тўртта комплексини 13 апрель, сешанба куни Воронеж вилоятига олиб ўтди. Ушбу оператив-тактик ракета комплекслари энди Украинага қарши қўллаш мақсадида қўшни давлат чегарасига олиб ўтилади.
Ўрис сепаратистлари билан Кремль қўшини босиб олган Донецк аҳолисидан олинган хабарларга қараганда, Донецк шаҳрига кириб келаётган Москва қўшинининг сони кундан кунга ошиб бормоқда. Айтишларича, Донецк шаҳри ва унинг атрофида асосан Россиянинг шимолидан, хусусан, Кемерово, Новосибирск, Комидан олиб ўтилган ҳарбий қисмлар йиғилмоқда.
Бундан ташқари, Донецк ҳудудига «Вагнер» ва «Лига» хусусий ҳарбий компанияларга қарашли жиноий тузилмалар ҳам етиб келиб, қўпорувчилик ишларига ҳозирлик кўриляпти.
Украинанинг руслар томонидан босиб олган ҳудудларида қарор топган вазият чиндан ҳам тобора оғирлашиб бормоқда.
Ўзга юртларда жорий этилган давлат тилини писанд қилмай, ҳамма жойда ўз тилини тиқиштираётган расмий Москва ўта хавфли шовинистик сиёсатини қўймай, қўшни давлат Украина ҳудудида сепаратизм байроғини баланд кўтариб олган. Унинг реакцион миллатчи малайлари, яъни Ўзбекистонда фаолият юритаётган бешинчи колонна бизнинг юртимизда ҳам ўрис тилини ҳимоя қилиш баҳонасида жанговар плацдарм тайёрламоқда.
Хусусан, айрим қулоғига сирға таққан, табиатан гейсифат ўрисзабон блогерлар ва уларнинг мухлислари юртимизнинг ўзбек тили ва ўзбек халқининг миллий одоби масаласида ташаббус кўрсатаётган ҳар қандай сенатор, депутат, ҳоким ёки амалдорни ижтимоий сайтлар орқали халқаро майдонда бадном қилишга уринишмоқда, аҳоли орасида реакцион ўрис миллатчилиги, ўрис сепаратизмига мойиллик кайфиятини қарор топтиришга ҳаракат қилишмоқда. Чунки улар украинларни бир ёқли қилган расмий Москва кун ўтиб бир кун Ўзбекистон билан ҳам «жиддий шуғулланиши»дан умидвор.
Украин халқи эса миллий қонунлари ила расман тажовузкор давлат сифатида эътироф этилган Россиянинг тумонат қўшини таҳдид солаётганига қарамай, қўрқмасдан, ўрис тажовузини қарши олишга, юртига бостириб келган ўрис оккупантларини қувиб солишга тайёр. Бунинг учун бутун халқ бир ёқадан бош чиқармоқда, ички сиёсий кучлар ҳам ўзаро зиддиятларни бир четга қўйиб, Ватан байроғи атрофида жипслашмоқда. Украин халқининг ватанпарлигини, шижоати ва душман устидан ғалаба қозонишига бўлган комил ишончини кўрган тараққийпарвар давлатлар ушбу республикага ўрис босқинига қарши курашда атрофлича ёрдам беришмоқда.
Нима учун украин халқи бундай мардлик кўрсатмоқда? Уларни ўрисдай ёвуз душманга қарши курашга нима жипслаштирди?
Украин халқини, унинг турли табақалари ўртасида ички ижтимоий-сиёсий зиддиятлар ҳукм суришига қарамай, умумий душманга қарши курашга ўз она тили – украин тилига бўлган чексиз ҳурмат ва муҳаббати бирлаштирди!
Нақадар гўзал, ҳавас қилса арзугулик омил!
Шундай эмасми?
Шокир Долимов
“Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Велосипедда сайр қилиш учун 3 сабаб: ёшартиради, оздиради ва умрни узайтиради
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Америкалик олимлар барча учун бирдек фойдали жисмоний фаоллик турини аниқлади
