Салкам 50 йилдан буён урушлардан боши чиқмаётган афғон халқининг бир миллий қаҳрамони бор. У мамлакатнинг барча уездларини, барча миллат ва ёшу қарининг ҳумати ва муҳаббатига сазовор бўлган дала қўмондони - Аҳмад Шоҳ Масъуд.
“Панжшер шери” номи билан маҳсур бўлган ушбу дала қўмондони ўқимишли, маданиятли ва одил раҳбар сифатида афғон халқининг эсида қолган.
Қуйида 1997 йилда “Совершенно Секретно” газетаси мухбири Маркеловнинг Аҳмад Шоҳ Масъуд билан ўтказган интервьюсидан бир парча келтирамиз. Ўшанда тажрибали дала қўмондони толибон ҳаракати ҳақида нима деган эди.
- Толибоннинг ҳукумат бошига келиши Россияга қандай хавф солади?
- Сиз бир нарсани тушунинг, толибон бу шундай куч-ки, у ўзи мустақил оёқда тура олмайди. Бу кучни Покистон афғон ҳукумати бошига олиб келди. Уларнинг мақсади Марказий Осиё ҳудудида ўз манфаатларини ҳимоя қилишдир. Россия учун асосий хавф шундаки – уруш қўшни Тожикистон ҳудудига ҳам тарқалиб кетиши мумкин, - деган эди дала қўмондони 24 йил олдинги интервьюсида.
Шунингдек, Аҳмад Шоҳ толибон Афғонистон президенти Нажибуллони осиб ўлдирганини эсга олиб, уларни ҳаддан ортиқ шафқатсизликда ҳам айблаган эди.
Аҳмад Шоҳ Масъуд ҳақида
У 1953 йилда Панжшер уездида туғилган, миллати – тожик, Қобулдаги Абу-Ханифия ислом мактабини битирган, кейинчалик 1973 йилда Қобул Политехника институтига ўқишга кирган, лекин уруш бошланиб қолгани туфайли битиришга улгурмаган. Шундан сўнг у Покистонга қочиб кетади. У ерда у ислом мухолифат отрядларига қўшилади. Орадан 2 йил ўтиб кичик отряд мужоҳидлари билан Афғонистон ҳудудига қайтиб келади.
Маҳаллий шароитларни яхши билиши, стратегик фикрлаш қобилияти туфайли Аҳмад Шоҳ Масъуд қисқа вақт ичида Афғонистон шимолида кенг ҳудудларни эгаллаб олади ва совет аскарларига қарши кураш олиб боради. 1980 йиллар ўрталарига келиб унинг қўл остидаги аскарлар сони 6 мингга етади.
Айрим манбаларда айтилишига кўра, совет ҳарбий қўмондонлиги Аҳмад Шоҳ Масъудга қарши 9та кенг кўламли ҳарбий операциялар ўтказган, лекин уларнинг бирортаси ҳам муваффақият билан тугамаган.
СССР қўшинларини олиб чиқиб кетган вақтида Аҳмад Шоҳ Масъуд Афғонистон шимолида энг катта куч бўлган. Ўша вақтлар унинг қўл остида 15 мингга яқин аскар бўлган. Афсонавий дала қўмондони 2001 йилда машҳур дала қўмондонини журналист кўринишида келган 2 нафар худкуш террорчи қўлидан вафот этади.
“Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Велосипедда сайр қилиш учун 3 сабаб: ёшартиради, оздиради ва умрни узайтиради
Қайси кундалик одатлар иммунитет пасайишига олиб келишини биласизми?
